Песнь 3
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Преподобный Ахилла, моли Бога о нас.
Небеснаго круга Зиждителю все житие твое отдавши, возлюбил еси Того до конца, сподоби и нас молитвами твоими, преподобный, любити Господа до конца дний наших.
Преподобный Ахилле, моли Бога о нас.
Небесная жизни желая, в житии твоем вся земная пренебрег еси, сподоби и нас, преподобый Ахилле, молитвами твоими небесныя жизни достигнути.
Слава: Небеснаго чертога желающи, постническое житие прешед еси, и ныне со всеми святыми в небесных чертозех ликуеши.
И ныне: Небеснаго Творца, Богородице Всепетая, рождши, небес пространнейшая явилася еси. Нас от пространнаго пути погибельна уклоньши, на небесный путь настави, молимся.
Источник КАНОН МОЛЕБНЫЙ С АКАФИСТОМ ПРЕПОДОБНЫМ ОТЦАМ КИЕВО-ПЕЧЕРСКИМ
http://ht-trenir.mirtesen.ru/blog/43465066523